Shillong: U myntri sorkar jylla uba dei ruh u MLA ka thain Byrnihat, u bah Sosthenes Sohtun ula ong ba ka jingkiew jinghiar ka jingjaboh ka Byrnihat, ka dei namar ba ki don bun ki karkhana ha ki jaka kiba hap ha Assam mar syndah bad ka Meghalaya.
Haba iadei bad ka jingkiew biang ka Byrnihat sha ka kyrdan ba jaboh tam hadien ba la hiar kham mynshwa, u bah Sosthenes ula ong ba ka Byrnihat ka Meghalaya ka don ha syndah bad ka Assam kaba bun ki karkhana bad ka jingjaboh kam dei kaba tang na shiliang hynrei baroh ar liang, ki hap kitkhlieh lang.
U la ong ba ka donkam ban ong ia ka Central Pollution Control Board bad ka Assam Pollution Control ba kin shim kam tyngeh ia ki karkhana ba kin bud pyrkhing ia ki kyndon pyrshah ia ki kompeni.
U la ong ba na ka liang ka Meghalaya State Pollution Control Board ka la shim khia hynrei ki dang don ki karkhana kiba pynkhein bad kane ka la pyllong ia ka katei ka thain ban ioh kum ka jaka kaba jaboh tam jong ka lyer ne ka air quality index.
Kiew-hiar ka jingjaboh ha Byrnihat ba don ki karkhana ha syndah na ka Assam, ong u myntri
