Shillong: U rangbah na ri Canada uba iapoi kha ha kane ka ri Khasi, u bah James M Perry ula dei uwei na ki nongprat lynti ban kyntiew ia ka kam jngohkai ha jaka nongkyndong ha kane ka jylla lem bad kiwei pat ki paralok.
Haba kren halor ka jinglong ka kam jngohkai ha kane ka jylla, u bah James ula iathuh ba ha ki snem 2005 eiei, ryngkat u Late RG Lyngdoh bad kiwei kila thaw ia ka Meghalaya Tourism Development Forum (MTDF) ha kaba kila leit sha Mawlynnong ban pyllong kum kawei na ki jaka jngohkai namar ka jingkhuid jongka.
Ula iathuh ba ha ka por baki leit sha shnong Mawlynnong, ka dang shu ioh surok shen sha katei ka jaka.
Hynrei hadien ka la kiew bha na ka jingsaphriang ki lad pathai khubor bad mynta ki briew kim nang shuh ia kiwei ki kam, khamtam kito kiba dang kha ha ki snem 2000, ha kaba kila tip beit tang ia ka kam jngohkai, bad ka donkam ia ka shnong ban tip ruh ia kiwei ki bynta jongka jingtrei bad kiwei ki rukom im.
Ula ong ba ka kam jngohkai kam dei ban kiew kum ka umsaw ioh kan khyllem kynsan kumba jia shawei na ka jingtuid palat ki nongwankai, hynrei ka dei ban long kaba kiew jai jai bad kaba neh.
Ha kajuh ka por, ula ong ba ka kam jngohkai kam dei ban pdiang tang ia kita kiba riew spah hynrei ka dei ia kiba duna ruh ka ioh ka kot.
Ula ong ruh ba ka jingtei ia ki 5 Star Hotel hynrei kaba kongsan ka long ban kyntiew ia ki jaka sah kiba lah bor ki trai shnong namar ba ki 5 Star Hotel kiba wan kamai kin dei ki heh spah nabar bad kim da pyrkhat than ia ka jylla bad kin pyrkhat beit tang ia ka spah.
Ngi la shim kti ma ngi ban sdang kyntiew ia ka Mawlynnong, ong u bah James
