Shillong: Ki dkhot jong ka BJP Mahila Morcha, Meghalaya mynta ka sngi kila pynlong ka jingiakhih hakhmat ka Congress Bhawan, Shillong ban pynrem jur ia ka jingmut tlop bad jingsngap jar jong ka Congress halor ka jingkynnoh ba leh beijot ia ki 11 ngut ki samla pule kynthei jong ka Jawaharlal Nehru University ha Delhi.
Katkum ki khubor, ki jingjia ba la kynnoh ki la jia naduh u bnai Jymmang, hynrei ki la paw shai dang shen, ha ka 9 tarik Risaw 2026. Ka BJP Mahila Meghalaya ka la pynrem jur ia ka jingkynnoh ba la leh beijot ia kine ki samla pule, kaba la ong ba ka don ka jingïadei bad u Professor Bimol Akoijam, u MP jong ka Congress. Kila pynrem ruh ia ka jingsngap jar jong u Rahul Gandhi halor ka jingkynnoh ba la leh bein bad leh beijot ia kine ki kynthei.
Kum ka nongialam, ka BJP Mahila Meghalaya ka kong Arena Hynniewta ka la pynrem jur ia ka jinglong jong kine ki nongmihkhmat paidbah jong ka Congress bad ka la ong ba lada ym burom ia ki kynthei, kumno ka Congress kan kam ba ka lah ban ialam ia ki paidbah jong ka India?.
Ka jingiakhih ka pyrshah ia ka jingsngap jar bad ka jingbym shim jingkitkhlieh jong ka Congress bad kala dawa ia ka jingtohkit kaba hok bad ban pynioh ia ka jingbishar hok ia kine ki kynthei.