Shillong: Ka shnong Mawlyndep ka don ha syndah ka pung Umiam kaba pynmih bording ban bsa ia ka jylla hynrei ka ding pat kam ju meh thikna katba ka bai thang ding kut bnai pat, ka kiew haduh 5-6 shah.
Ki nongshong shnong ka Mawlyndep kila bitar jur ia ka rukom treikam ka tnad sam ding ne MeECL kaba la wanrah jingeh ia ki nongthang ding khamtam kiba rit kiba duk.
U Rangbah Shnong ka Mawlyndep bah Jinu Kharbuki ula ong ba ha ki bnai ba la dep, ka bai thang ding ka la poi tang 3-4 spah shi bnai hynrei mynta ka la palat hajar.
Namar ba kila sngew thait ban leit mih sha ophis namar ba ki ai daw lai phew jait bad kim banse ban wan kren noh sha ki lad pathai khubor ban tip ka pyrthei ka mariang baroh ia ka rukom treikam ka MeECL.
Ula ong ba ki nongtrei ka MeECL haba ki leit ujor, ki ai daw ba la sniew u meter bad ula buh jingkylli kumno ki nongkyndong ne ki briew kin tip ia kaba kum kata bad lada sniew u metre dei ka MeECL ban pyntip haba sniew u metre.
Ula ong ba u lineman u hap ban shang haduh 28 tylli ki shnong ka bym lah shuh ban pyndep hok ia ka kam.
Ula kyntu ia ka sorkar, ka MeECL ba kan pynbeit noh mardor ia kane ka jingeh ki nongthang ding kaba la ktah jur ia kiba duk.
Ka Mawlyndep ka don ha syndah ka pung Umiam, ka ding ym ju meh thikna, kiew ka bill 5-6 shah
