Shillong: U James PK Sangma mynta ka sngi, ula thep kyrteng kum u kyrtong sha ka Rajya Sabha ha ka jingsynran lang u myntri rangbah u Conrad K Sangma bad kiwei.
Ka kynhun sorkar MDA-2, ka la mynjur ia ka kyrteng jong u James na ka NPP ba un iakhun ia ka MP sha Rajya.
Haba kren hadien ba la thep kyrteng, u James ula ong ba un rah un kit ban pynsngew ia ki mat jong ka jylla ha ka Upper House ka Parliament.
Kumba ka paw, u James un jop suk namar ba ka liangsynshar ka MDA ka don 51 ngut ki MLA katba ka liangpyrshah kynthup ka TMC bad ka VPP kiba don 9 ngut ki MLA, kim pat thep kiyrteng eiei.
U James ula ai jingsngewnguh ia ki paralok ka MDA kynthup ka UDP, BJP, HSPDP, bad ki MLA shimet kiba la ai ka jingshaniah ha u ban long u kyrtong sha ka Rajya Sabha.
Thep kyrteng u James sha Rajya Sabha, lah ban ym thep kyrteng ka liangpyrshah
