Shillong: Ka thain Riwar ha khappud bad ka Bangladesh, khlem pep kan sa khring shuh shuh ia ki nongwankai na kylleng ka pyrthei na ka jingdon ki wah, ki ksaid, ki jaka peitkai kiba shynna bha khamtam ban peit ia ka ri Bangladesh.
Nalor ba ka thain ka la pawnam bha ha ka kam jngohkai na ka jingdon ka shnong ba khuid tam ha Asia ka Mawlynnong, ka jingdon ka jingkieng jri ha Rangthylliang, Mawkyrnot, u Mawryngkhang ha Wahkhen nalor bun kiwei pat, ka la don ka jingkhmih lynti ba kan nang lah shuh ban khring ia ki nongwankai ynda la dep ban shna ia ka jingkieng iaid kali ha khappud ka India bad Bangladesh kaba don ha ka wah Khasmar ha Raid Nongskhen. Nohwet bad Raid Liting.
Ha katei ka thain, nalor ka wah Khasmar, ka don ruh ka Bishna Gandhi view point kaba iohi shynna ia ka iew khappud ne ka Hat Thymmai bad ka Pakhria ka Raid Nongshken bad sha ki them ba itynnad ka ri Bangladesh.
Ka jingkieng ha wah Khasmar, ka Bishnagandhi ba iohi ia ka Hat Thymmai, ka Bangladesh
