Shillong: U Syiem ka Hima Khyrim u Paiem Balajied Sing Syiem ula aiti ia ka Sanad sha u Rangbah Shnong thymmai ka Pynursla u bah Banteilang Thabah ha ka sngi Balang.
Ha ka sanad u Syiem ula kdew 12 tylli ki mat ba u Rangbah Shnong u dei ban bud ryntih ha ka jingpyniaid ia ka kam shnong kam thaw bad ka synshar ka khadar.
Ha kane ka jingai sanad, la sakhi lang ki riew rangbah, ki nongialam ka shnong. Kane ka sanad kan long lai snem.
Ia ka kam jied ia u Rangbah Shnong la pyllong ha ka 30 tarik u Iaiong 2026 ha Pynursla, bad la shu ia rai da ka sur uba bun ba lang namar na ki 578 ngut kiba wan sha ka dorbar, tang 60 ngut ki bym kyrshan katba 518 ki kyrshan ia u bah Banteilang kum u Rangbahshnong ka Pynursla.
Ai sanad u Syiem Khyrim ia u bah Banteilang kum u Rangbah Shnong ka Pynursla
