Shillong: U nongwad jingtip da ka ain RTI u bah Disparsing Rani ula maham ia ki paidbah ba ki dei ban husiar haba thied jaka, ioh ka pisa kan shu sepei khamakha.
Haba kren sha ki lad pathai mynta sngi ryngkat ki jingtip ba la ioh da ka RTI, u bah Disparsing ula ong ba ki paidbah ka Thangskai, kila iathuh ba ka bai jaka ban siew ba la shim da ka kompeni Indradhanush Gas Grid Limited (IGGL), ban pyniaid ia u Gas Pipeline ka long T.1500 shi phut sawdong hynrei ynda la ioh ia ka jingtip na DC ophis West Jaintia Hills pat, ka dei tang T. 50 tyngka shi phut sawdong.
Ula ong ba katkum ka RTI ba la iohlum na ophis jong Deputy Commissioner, Jowai la lap ba ki paidbah ka Thangskai kila shah thok ka bai jaka na bynta ban pyniaid ia ki Gas Pipe Line ba la shim da ka Indradhanush Gas Grid Limited (IGGL).
Ula ong ba kane ka Gas Pipe line ka iaid naduh Guwahati sha Silchar, kane ka kompeni lehse ka lah ban dei ba ka la thoh la shukor ia u paidbah bad ka la pynkhein ia ka dor ki trai jaka.
Shuh shuh ula ong ba katkum ka jingiathuh jong ki briew haba iadei bad ka jingshim jaka ka sorkar ha Western By Pass, la shem ba ka dor ka jaka ka dor ka long T.500 haduh T.600 shi phut sawdong hynrei kumno ka sorkar ka leh shiliang sha kiwei pat.
Ha kajuh ka por ula ong ba kane kadei ka Awareness ia ki briew khasi kiba don jaka ha ka bri u hynniewtrep ba kidei ban husiar khamtam ka Inter- State Corridor kaba mynta ka dang iaid mynta na Mawkhanu- Shilchar ka jingjngai kaba 166 km.
Kane kadei ka khubor kaba donkam ia ki paidbah ha katei ka jaka ba kidei ban husiar.
Ula iathuh ruh ba ka jaka ha Upper Shillong hajan ka Bormanik bad ha Sunset ka don ha ka kam mukotduma katkum ka repot na DC ophis katba ka jaka ha Rose Cottage, la ai wai sha u Jagiram kaba la kut 1967 bad ha u snem 2005, la wan kam ka kong Rose Mary Mawlong bad la siew ia ka bai jaka.
Husiar ka thied jaka khlem biang ki pata, ioh sepei khamakha: Disparsing
