Shillong: U bah Pynshngain N Syiem u la sngew mong naduh ba ka party kam sngew tynnad ban iashong lang bad ka NPP ha KHADC ha ka samoi ba la dep bad la ioh jingtip ba u lah ban leit iasoh sha ka BJP ha u bnai Jymmang bad kiwei ki nongialam na ka UDP, NPP ruh.
Ia kane la ong u President ka Meghalaya Pradesh Congress Committee (MPCC) u bah Vincent H Pala haba kren mynta ka sngi.
U bah Pala u la ong ba hadien ba la u rem ia ka MDC elekshon ba la dep, u dei uwei na ki nongialam ka party ban iashong lang bad ka NPP ha ka Executive Committee ha KHADC bad ha kata ka por, ka party ka la bthah ban weng noh na ka EC bad kane ka la pynsngewsih ia u.
U bah Pala ula ong ba ka dei na kane ka daw kaba la pyllong ia u ban mih noh na ka Congress bad katkum ka jingtip, u lah ban leit iasoh bad ka BJP ha u bnai Jymmang ban wan ryngkat bad kiwei ki nongialam na kiwei ki seng sain pyrthei.
U bah Pynshngain ula mih noh na ka Congress dang shen da kaba kynnoh ba ka party na Delhi kam shym la shah shkor ia ka jingdawa ki paidbah ka party ban bujli nongialam ha ka jylla.
U bah Pynshngain u mong ba leit thaw EC bad ka NPP, un rung BJP ha u Jymmang, ong u bah Pala
