Shillong:Ka jingpass ki khynnah ha ka examin Higer Secondary School Leaving Certificate (HSSLC) ba la pynbna da ka Meghalaya Board of School Education (MBoSE) mynta ka sngi Nyngkong ka long palat 80 percent ha baroh lai tylli ki laiñ (Stream) ba kynthup ïa ka Arts, Science bad Commerce.
Ha ka Arts Stream ki don haduh 22,835 kiba ïakhun ïa ka examin bad 18,736 kiba la pass, kaba long 82.05 percent, ha kaba 13 ngut ki mih kyrteng ha ka top 10.
Napdeng ki district kiba la leh bha ha ka Arts, ka Eastern West Khasi Hills ka la ïoh 92.70 percent ha kaba napdeng 767 ngut kiba ïakhun 711 ngut kiba pass, bud pat sa ka East Khasi Hills kaba khur 91.18 percent ha kaba napdeng 7939 ngut 7239 ngut kiba pass.
Ha ka Science Stream ki don 3922 ngut kiba ïakhun ïa ka examin bad 3253 kiba la pass, kaba long 82.94 percent, bad 14 ngut kiba la mih kyrteng ha ka top 10.
Napdeng ki district kiba la leh bha ha ka Science, ka South West Garo Hills ka la khur 100 percent ha kaba baroh 33 ngut ki khynnah ba ïakhun ïa ka examin Science ki la pass, bud ka West Khasi Hills kaba khur 96 percent, katba ka East Khasi Hills ka ïoh 86.73 percent haba napdeng 1891 ngut kiba ïakhun 1640 ngut kiba pass.
Ha ka Commerce Stream ki don 2051 ngut kiba ïakhun ïa ka examin bad 2033 ngut kiba la pass, kaba long 81.28 percent, bad ki don 13 ngut kiba la mih kyrteng ha ka top 10.
Napdeng ki district kiba la leh bha ka Commerce, ka East Jaiñtia Hills 92.45 percent ha kaba na ki 53 ngut kiba ïakhun 49 ngut kiba pass, katba ha East Khasi Hills napdeng 1441 ngut kiba ïakhun 1206 ngut kiba pass kaba long 83.69 percent, bad na South Garo Hills ym don satia kiba ïakhun ha ka Commerce.
Pass klas XII (Arts, Science, Commerce 80 percent
