Shillong: Ka la don ka jingiapyni bor met hapdeng ki dkhot ka seng Hynniewtrep Youth Council (HYC) bad ki nongpahara ia ka ophis u Director ka NEIGRIHMS hadien ba ki nongialam ka seng ki leit ban khang tala ia ka kamra u Director halor ka jingbym ioh ia ka jubab wat hadien 7 sngi ba ka la buh por ban un jubab halor ka rukom thungkam ha kane ka jaka sumar.
Hadien u Director u Dr. Nalin Mehta ula mih noh shabar ban iakren ia ki dkhot ka HYC. Ka HYC kila phah mih noh ia ki nongtrei bad ka khang tala ia ka ophis u Director.
Haba kren sha ki lad pathai khubor hadien kane, u President ka HYC u bah Roykupar Synrem u la ong ba ka seng ka wan sha kane ka jaka ban pyni ba ki trai shnong ki longtrai halor ka khyndew ka shyiap, bad ym dei tang ha NEIGRIHMS hynrei kiwei ki ophis ki jingtei ka sorkar pdeng kim dei shuh ban leh mon namar ba haba ka jylla ka ai jaka ka puta, ki dei ban ioh ka kam ka jam.
Ka HYC ka la dawa kham mynshwa ba ka NEIGRIHGMS ka dei ban mang 80 percent ia ki kynthei ha ki kam Nurse bad 20 percent ia ki shynrang bad ka bor ba dei peit ka NEIGRIHSM kam pyntreikam ia kane, ka seng kan ym ailad ban pyniaid ia ka eksamin rung kam.
Ha kane ka jingleit kyndar, ka HYC ka la iakynduh ruh ia u Director uba la khot ban iakren.
Iakhynniat met ki dkhot ka HYC bad kiba pahara ha kamra u Director ka NEIGRIHMS
