Shillong: U Superintendent of Police (SP) ka East Khasi Hills u la pynbna iar ba la khang pyrshah ban iaid ki trok ha surok bah 101 Area na ka daw ka jingtih pynheh ka kompeni kaba dang iaid mynta.
Ha katei ka jaka, ka kompeni ka dang tih surok tdem thui bad kane ka la wanrah ka jingkhim bad ka jingthut ka leit ka wan bad ban lait na ka jingsahkut kali, na ka liang u SP ula bthah ba ki trok, ki bos kiba thmu wan sha Shillong kin iaid noh na Sanmer sha Pomkrai lane na surok Mawmaram ban mih sha Umsaw.
Kito ki kali heh kiba mih na Shillong kin iaid sha Barik-Madanriting sha Laitkor-Pomlakrai, katba kiba wan na thain Pynursla, Sohra kin iaid na 7th Mer sha Mawngap ne sha Mawmaram. Kiba wan na thain Nongstoin kin iaid na Mawmaram sha Umsaw Tang ki bos ba wan shaw wan on ia ki khynnah skul la shah ban iaid.
U SP ula buh kyndon ruh ba ki kali ki dei ban iaid ha ka jingsted ne ka speed tang 20km ha katei ka thain 101 Area bad kane ka hukum kan treikam naduh 3 tarik haduh 18 tarik Rymphang 2026.
Iaid tang hapoh 20 KM ha 101 Area, ki trok, bos iaid sha Pomlakrai, Mawmaram, pyrkhing u SP
