Shillong: U MLA ka Mawkyrwat uba jop na UDP uba iasoh noh sha ka NPP u bah Renikton L Tongkhar ula pynpaw ba ka daw kaba kongsan kaba pyllong ia u ban rung sha ka NPP, ka dei namar ba ki kam pynroi.
Haba kren mynta ka sngi, u bah Renikton ula ong ba um don eiei ka daw pyrshah ia ka jinglong nongialam u bah Metbah bad ula ong ba u dei uba bha kum u briew.
Hynrei ha kajuh ka por, ula ong ba u don hi ka jingsngew kum u briew haba pyrkhat ia ka UDP hynrei ha ka politik hap ban peit ia ka roi ka par jong u paidbah.
Lah ban kdew ba mynta ka sngi, u bah Renikton ula pyntip sha u Speaker u Thomas A Sangma ryngkat u bah Paul Lyngdoh katba u bah Nujorki Sungoh ula shu ai da ka shithi namar ba um da khlain, ba kin rung noh sha ka NPP.
Ia u bah Paul bad bah Renikton la synran lang ki nongialam ka NPP kynthup u President ka NPP Meghalaya bah Prestone Tynsong, u bah Sniawbhalang Dhar, u bah Wailadmiki Shylla nalor kiwei pat ki nongialam ka NPP.
‘Nga sngew synei ia u bah Metbah kum u briew | Ka daw ka dei na ki kam pynroi”, ong bah Renikton
