Mawsadang: Ka seng Adventurous Hynniewtrep Off Roaders (AHOR) ka la pyllong ia ka jingialehkai mareh kali four wheel ha ka sien kaba phra kabala kut ha ka sngi Saitjain ha shnong Mawsadang ha madan wah Umngi kaba jngai kumba 4 km eiei na Tyrsad, East Khasi Hills.
Ha kane ka jingiakop sei sap niah kali ha surok khohruh khohram, sha khlaw sha um, la wan iashim bynta 61 ki kali, bad 122 ngut ki briew kiba bun hi na kane ka jylla bad katto katne nabar jylla.
Ka jingiakop niah kali kam dei tang ka kam kaba pynsngew tynnad ia ki nongniah, hynrei ka khring ruh ia ki paidbah nongpeitkai ban iohi ia ki dur kali kiba la pynwan dur bun rukom, kynthup kiba nep khmut, kiba syndem, bad bun rukom.
Ka dei ruh ka lad ia kiba kwah ban seisap ban niah kali, ym ban niah ha surok ha ki shong kiba buh jingma ia ki briew.
Kum kane ka lympung, ka plie lad ruh ban kyntiew ia ka kam jngohkai bad kane ka sienjam ba ka AHOR ka la shim ka long ban kyntiew ia ka kam jngohkai ka shnong Mawsadang kaba don ki jaka ba itynnad sawdong jongka. Ka shnong Mawsadang ka la pyllong teng ruh ia ka jingiakop mareh kulai ha ki bnai ba la dep.
U General secrtary ka AHOR u bah Ferdinand Jahrin, ula ong ba ki khynnah na kane ka jylla Meghalaya kila tbit bha ban iakop ha ka national bad international level lada ki ioh ka lad ban seisap.
Iapbiej ki paidbah ia ki kali nep khmut, syndem khmut ka AHOR ha Mawsadang
