Shillong: U nongwad jingtip da ka ain RTI ne u RTI Activist u bah Disparsing Rani ula maham ia ki ophisar kiba mlien ban tah sia lieh ia ki kot ki sla kiba wad jingtip na ophis, kin shah pynshitom katkum ka ain.
Haba kren sha ki lad pathai khubor mynta ka sngi, u bah Disparsing ula ong ba ki don 3 tylli ki kyndon kiban pynshitom ia ki ophisar kiba tah sielah ne ialam bakla ia ka jingtip haba pan da ka RTI bad kine ki long ba kin hap ban siew ia ka kuna kaba 25 hajar lane ka jingshah shim kam bad kaba kham ma ia ki, ka long ba ki shah ban pynngat ha ka kyndon ain runar.
U la ong ba u kwah ban iathuh ia ki ophisar baroh ba kim dei ban lehkai bad ki RTI Activist ioh poi sha kaba eh.
Ia kane ula ong halor ka jingtyngkhuh jong u shibun ki jyrwit jyrwat halor ka jingwad jingtip RTI ia ka jingshim jaka ka Indrashanush Gas Grid Limited ban pyniaid ia ki paip Gas na Assam lyngba ka ri Bhoi, Jaintia sha Silchar. Ha ka jingwad RTI ia kane, ki la pynshad shrieh ia u na kawei shawei.
Bad kaba sngew kyndit ka long ba ia ki kyrteng ki briew ba shah ktah ha ka jingshim jaka, la tah sialieh ia ka jingheh ki jaka.
Halor ka NIOS – National Institute of Open Schooling halor ka jingbym ioh kot ki samla pule ha 2025 bad hadien ka RTI, baroh kila ioh lut iaki kot ha la iing.
Wat lehkai ia ngi ki RTI Activist, maham u bah Disparsing ia ki ophisar tah sia lieh
