Shillong: U MLA barim ka Nongkrem u bah Lambor Malngiang ula kynthah jur ia ka Voice of the People Party (VPP) kaba synshar ha KHADC.
Haba kren ha ka jingialap elekshon MP ia u kyrtong ka NPP ha Mylliem Maweitnai ha ka janmiet sngi Palei, u bah Lambor ula ianujor ia ki kam ka sorkar NPP bad ka Executive Committee ka VPP ha KHADC.
Ula kynnoh ba ka jingjop jong ka VPP ha KHADC ka long ban shu beh kam ia ki nongtrei kiba dei ki Khasi, pynieng ia ki khyrdop khrong pisa na ka 16 sha ka 26 tylli, ai License pathar ia ki bar jylla, bad mushlia ia ki kam ki hima.
Ula kam ba ka Executive Committee ka la pyrshang ban weng jubor ia u Syiem Mylliem hynrei donbok ba ka kashari High Court, Meghalaya ka la pynsangeh. Ula buh jingkylli shaei kata ka synshar ka khadar kaba khuid kumba kila pyrta shla.
Ha kajuh ka por, ula pan ia ka jingkyrshan jong ki paidbah ka Nongkrem bad Mylliem ban kyrshan da kaba pyntam kput ia u Dr. DRL Nonglait ha ka MP elekshon kaban sa wan.
Ka jingjop ka VPP: beh kam, khyrdop na 16 sha 26, ai license pathar ia ki bar jylla, mushlia ia ki kam hima, ong bah lambor
