Shillong: Ka shnong Rngimawsaw ka dei kawei ka shnong kaba don ha Sohra konstitwensi bad ka shnong ka la iakynduh shibun ki jingduna ki kam pynroi.
Ha ka jingiakren bad u Sordar ka shnong Rngimawsaw, bah Luckynos Synrem, ula iathuh ba lait na ka skhim 100 sngi, ka shnong kam ju kham ioh ia ki skhim pynroi ha shnong. La iathuh ba wat ka ïing dorbar ruh ka shnong kam pat don namar ba la ju leit ud na ki nongmihkhmat man ka por hynrei kam shym la urlong satia.
Namar ka jingbym don ka iing dorbar, ka shnong ka iakynduh jingeh namar ba tang shu slap, ym lah shuh ban pyllong jingialang ne pyllong dorbar namar ba ki dang iashong jingialang ha madan.
U Sordar ula iathuh ba ki lynti ki syngkien ki ioh ban shna ha shnong na ka skhim 100 sngi hynrei na kiwei ki tnad sorkar, ki duna bha ki jingkyrshan na ka sorkar.
Ka shnong ka don 65 tnum iing eiei bad ka dang donkam shibun ki kam pynroi khamtam ban kyntiew ia ka ioh ka kot, bad bun ki nongshong shnong ki dei ki nongrep. Dang shen, ka shnong ka la pynkhreh ban tare noh sha ka kam jngohkai ban kyntiew ia ka ioh ka kot jong ki nongshong shnong namar ba ka don shibun ki jingbuh ba itynnad ka mariang.
Ym don iing dorbar, la ud na MLA ruh um pat lah ha Rngimawsaw|lada ym don ka skhim 100 sngi la tyrkhong
