Shillong: U SDO Civil Pynursla ula pyllait ban iaid kali sha Pynursla hadien ba la khang iaid kali la 8 sngi kynthih.
Ha ka jingpynbna, ula buh pali ban khang iaid kali naduh 10:30am haduh 3Pm myn sngi bad 9pm haduh 4am mynmiet naduh mynta ka 28 tarik Iaiong 2026 hynrei ha ka por ba pyllait, dei ban iaid da kaba phikir bha khamtam ha kine ki sngi ba hap slap.
Na ka bynta ki kali kit nongpang, kiba iaid ha ka por ba khang, kin pyntip shwa sha ki pulit ka Pynursla ba kin ioh ban leh ia kaba donkam.
Lah ban kdew ba u SDO Civil Pynursla ula khang ban iaid kali narum Laitlyngkot shaduh Mawlieh kaba hap ha ka 24+00-37+00 kms) na ka jingshong syier hadien ba la shah ban ka Bolero Pick-up ha Mawlieh haduh baar ngut kila khlad ha ka 20 tarik mynta u bnai.
Hadien kane, ka kompeni ka la dem khui ban mait noh shwa ia u lum bad ki maw ba buh jingma ia ka leit ha katei ka jaka, kaba la pyllong ban khang iaid kali syndon sbak ha kine ki 8 sngi kynthih.
La lait kali sha Pynursla, husiar pat haba iaid namar ba dang long syier
