Shillong: U MLA ka Mawkyrwat bah Renikton L Tongkhar ula ong ba don ki kmie ki kpa hapdeng ka jingsngew dom bad jingsngew kutlad, kila kput ia la ki khun kiba ngop ha u drok.
Haba shim bynta ha ka jingiatai halor u drok hapoh ka iing dorbar mynta ka sngi, u bah Renikton ula ong ba ki don ki kmie ki kpa kiba la sngew thait ban sneng ia la ki khun kiba ngop ha u drok, kila kput bad ailad lad khnang katba ki kwah ban dih ban injek, haduh ba kin iap noh syndon.
Kane ka long kaba sngewsih ba kan long haduh une u pud.
Ha kajuh ka por, u bah Renikton ula pynpaw iaka jingbym iahap ia ka jingkren ha ki prokram pynshai paidbah halor u drok namar ba don kiba iathuh khana pynban ba u dei u mar uba lahdor bha bad pynriew spah ha jaka ban ai ka jinghikai kaban pyntieng kaban pynkyndit ia ki samla.
Ha kajuh ka por, u la kyntu iaka bor sorkar ba kan leh da kaba tyngeh ban pyndkut ia u ksai ka jingpyniaid iew ia u drok namar ba ki don kiba heh spah ki leh ia kane ka kam beain.
Don ki kmie ki kpa kiba ong kin ai katba mon ban dih drok haduh ban iap ki khun, ong bah Renikton
