Shillong: Ki paidbah byllien kila iamih paidbah ban iaid rally ban pynrem jur bad bad dawa ia ka jingbishar hok ba u runar uba la shim ia ka jingim ka samla Phyrnailin Kharsyntiew dang shen, u dei ban ioh ia ka jingpynsaja kaba biang dor.
Ia kane ka jingiaid rally la sdang na ka ophis ka tnad Horticulture Mairang bad la pynkut ha Dom Mawlum, ha kaba la iashim bynta ki khynnah skul, ki nongialam shnong ka thain Wahrit, Mairang bad kiwei kiwei ryngkat ki placard ban pynrem jur ia u runar halor kane ka jingjia.
Ia ka jingiaid rally la pyllong ka Dorbar Shnong Wahrit Pyllun, ha kaba ka shnong ka Mawkhap Khwa, kaba dei ka shnong ka Samla Phyrnailin Kharsyntiew.
Lah ban kdew ba ka samla Phyrnailin Kharsyntiew kala khlad noh hadien ba ka la shah ot da ka tari na ryndang ha u samla jongka, u Roberto Marngar ha jaka ieng kali ha Pyndengumiong, Mairang ha ka taiew ba la dep.
Ha kane ka jingiaid rally, la synran lang ki pulit ka Mairang.
Mih ki paidbah byllien ban pynrem ia u runar ba ot ryndang ia ka samla
