Shillong: U MLA ka Mawhati uba iasoh ka NPP, u bah Charles Marngar ula kyntu ba ki briew kim dei ban shu lapmiet tang ban kdew kti hynrei ki dei ban iasam lem ruh ia ka mynsiem sngewnguh ia ki kam ba bha jong ka sorkar.
Haba kren ha ka jingkren u Lat ha ka dorbar mang tyngka mynta ka sngi, u bah Charles u la pynpaw ia ka jingsngewnguh ia ka jingtheh kam pynroi ka sorkar ban tei ia ka skul, ka jingshna surok khamtam ka jingthaw ia ka Mawhati Block ia ka thain Mawhati hadien 52 snem ba la ioh ia ka jylla. Ka jingthaw ia ka Mawhati Block ka dei ka jingkyrkhu ia ki 60 tylli tam ki shnong tam.
Wat kynmaw tang ban kdew kti, ai ruh ka jingsngew nguh ia ka sorkar, ong u bah Charles
