SHILLONG 22, Jymmang: Ka KSU NEHU Unit mynta ka sngi ka la khang tala shi syndon ia ka ophis treikam u Vice Chancellor, u Prof Prabha Shankar Shukla namar ba ka la kynnoh ba u la kuman ban pynbiang ia ki jingdonkam jong ki samla pule ka skulbah NEHU.
Ka KSU ka la kynnoh ba u VC u la leh kuman ha ki bun ki liang naduh ka Bus, ka jingbym lah ban pynbiang ia ki jingdonkam hapoh Hostel bad kiwei kiba ka Seng ka la buh jingdawa la ha man ki por ba ka iakynduh bad u VC.
Mynta ka sngi ka seng ka la leit ban kynduh ia u VC ban iakren halor ka jingslem ban pynurlong ia kitei ki jingdawa, hynrei na ka daw ba um treh ban iakynduh, ka la pynlong ia ka Seng ban khang shi syndon iaka ophis treikam jongu bad kumjuh ka seng kan ym treh shuh ban iakynduh bad u tad ynda u VC u lah pynurlong ia ki jingdawa ba ka seng ka lah buh ha khmat jongu na ka por shaka por.