Shillong: Ka pung Umiam ym tang ba ka dei ka shlem pynmih bording kaba heh tam ha ka jylla, hynrei ka ai jingmyntoi ruh shibun ki bynta ia ki paidbah.
Kawei na kine, ka dei ka jingiahap jongka ban pyllong ia ki lympung ialehkai ha um bad shi bynta kum kane ka jingialehkai, mynta ka sngi la pyllong ia ka jingiakop king lieng kaba nyngkong ha India ka 1st Sailing League.
U Amit Gehlot uwei na ki nongpyniaid ka Umiam Sailing Club, jong ka Team Meghalaya, u la ong ba ka pung Umiam ka dei kaba paka bha, kaba khuid ban pyllong ia kum kane ka jingialehkai bad nalor kata, ka jinglong ka suing bneng ruh ka biang bha bad ki sawdong sawkun.
U la ong ba kiwei ki jylla kum ka Goa, Tamil Nadu, Maharashtr a bad kiwei ki don ki pung duriaw ki bym iahap bad bym biang ban pyllong kum ia kane ka jingialehkai. U la ong ba ka jingpyllong ia kane ka jingialehkai, ka dei ruh namar ka jingkyrshan ka sorkar Meghalaya.
Ha kane ka lympung, la don ruh kiba wan shim bynta 170 ngut eiei nalor ki jylla ha India, ki don ruh ki ri kynthup na Russia, England, Malaysia, Sri Lanka, Taiwan kiba iashim bynta ha kane ka lympung.
Ka pung Umiam kaba paka tam ban iakop king lieng, ym ha Goa, Tamil Nadu, Mumbai
