Shillong: Mynta ka sngi, ka sor Tura ka la lynguh bha da ka jingrwai elekshon ka Nationalist People’s Party (NPP) kiba kila ialum ban leh kmen hadien ba ka Garo Hills Autonomous District Council (GHADC) ka la mynjur da kaba pynkylla ia ka AD Rules ka Assam and Meghalaya Autonomous Districts
(Constitution of District Councils) Rules, 1951 ne ka ain ba tang kiba don Syrnot Schedule Tribe kin ioh ban ialeh ia ka elekshon sha GHADC.
Ka GHADC ka la pyllong ar sngi ka dorbar mynta bad lashai ka sngi.
Ka jingmynjur ka GHADC da ka ain ba tang kiba don ka syrnod Schedule Tribe kin ialeh ia ka elekshon MDC, ka mut ba la khang sbak ia ki bym dei riewlum ne non-tribal ban ialeh ia ka elekshon sha district council.
Ha kane ka jingialum paidbah, u President ka NPP uba dei ruh u myntri rangbah u Conrad K Sangma u la ai jingkren hakhmat ki paidbah nongkyrshan ka NPP.
La ioh ruh ia ka jingkren na u CEM ka GHADC u Dhormonath Ch Sangma ha kane ka jingialang paidbah.
Ki MLA, ki MDC ka NPP kila iadon lang khrui ha kane ka jingialang ban lehkmen ia kane ka jingpass ka GHADC ia ka ain ban khang lad ia ki bym dei riewlum ban iakhun elekshon sha District Council.