Shillong: U symbud myntri rangbah ka jylla u bah Prestone Tynsong ula byrthen ia ki sengbhalang ha rilum Garo halor ka jingkynjah ka rilum Garo ha ka jingrakhe dap 8 snem ka sorkar Meghalaya Democratic Alliance (MDA) ha ka 6 tarik Lber 2026.
Haba kren ha ka jingrakhe dap 8 snem ka MDA, u bah Prestone ula ong ba ula pyrkhat ba baroh ki paidbah ka Garo Hills kin tuid sha kane ka jingrakhe ia ka jingdap 8 snem ka sorkar bad rakhe ia ki jingkyrkhu ba la leh ka sorkar hynrei sngewsih ban iohi ba la kynjah.
Ula ong ba balei ki samla kim wan ban rakhe ha kane ka sngi kaba donkam bha ha kaba da ki hajar ki paidbah kila ioh ia ka jingkyrkhu na ki prokram ka sorkar lyngba ka CM Social Service Prokram. Ula buh jingkylli, shaei phi don, phi pyrshang ban ong ba phim kwah ia kine ki prokram, hato phi mut ban ong ba phim kwah ia ka roi par jong ki paidbah.
U bah Prestone ula kyntu ba kin plie ia ki khmat jongki namar ba ka jingleh kumne, kam mut ba kim kwah ia u Conrad ne ia u Prestone ne ia ka sorkar hynrei ka phalang ba kim kwah ba ki paidbah nongkyndong kin kiew kin roi.
Ula kyrpad ia ki nongialam sengbhalang, ki dkhot ki sengbhalang ba kin wan shakhmat ban iakren.
U la ong ba ha kine ki phra snem u Blei ula bynshet ha u nongialam u Conrad K Sangma ban ialam ia ka sorkar ba un pynurlong ia ki jingangnud jong u Late PA Sangma.
Ka rilum Garo ka la kynjah ha ka 6 tarik Lber hadien ba ka seng Garo Students Union ka la khot ia ka Non-Cooperation Movement ban kyrshan ia ka rai ka GHADC ba kiba iakhun ia ka elekshon MDC ki dei ban don ka syrnot Schedule Tribe.
Byrthen u bah Prestone ia ki sengbhalang Garo Hills ba kynjah rilum Garo ka jingrakha dap 8 snem ka MDA
