Shillong: U Registrar ba dang shu shimti ka skulbah North Eastern Hills University (NEHU) ula shah shah sha NEIGRIHMS hadien ba ula mynsaw na ka jingshah tied ha ki runar bym tip satia.
Katkum ka tyllong khubor ba la ioh, une u Registrar ka NEHU u KC Biswal u dang shu wan shimti hadien ba la kynnoh ba la thung u Vice Chancellor ka NEHU u Prof. Prabha Shankar Shukla hynrei hynnin ka sngi ha ka por janmiet, katba u dang wan da ka kali, ula shah pynmynsaw ha ka thain Mawiong.
Ym lah ban tip kaei ka daw kaba la pyllong ia u ban shah hiar thma ha ki briew bym tip satia. Namar ka jingmynsaw, la pynkit noh ia u sha jaka sumar sha NEIGRIHMS.
Katkum ka tyllong khubor, u Prof. KC Biswal u dei uba wan na Tura Campus ban shimti kum u Registrar. Katkum ba tyllong khubor la iathuh ba u la shah kthong najan ka NEHU Campus ha ki briew ki bym ithuh bad dei tad haduh Mawiong, ki sa lap bad khyrwit ia u bad ka Kali Tourist kaba na Assam kaba u shong.
Ia u la rah noh sha NEIGHRIMS hynin ka janmiet bad hadien nangta la rah sha Neuro kaba dei ban peit ia ka bynta jong ka khlieh.
Na ka liang ki Pulit ki la pynshisha ba la don ka jingjia bad ki briew kiba don kumba 5ngut eiei kiba khlem ithuh dur kila lun maw ia ka kali Tourist kaba u shong. Ki pulit ki dang pynlong ia ka jingtohkit ba kham bniah ban lap ia kiba donkti halor kane ka kam.
Shah rah u Registrar ka NEHU sha NEIGRIHMS ba mynsaw jur naba shah ther maw ka kali
