Shillong: Mynta ka sngi, u myntri Rangbah u Conrad K Sangma ryngkat ki symbud myntri rangbah, ki myntri sorkar, u nongialam liangpyrshah, u Dr. Mukul Sangma lem bad ki MLA kila iakmen ban shong bos, kaba ai kyrteng, ‘ka jong ngi’.
Ki la iashong bos da kaba iaid sawdong ka New Shillong bad leit peit ia ka Secretariat ba thymmai kaba dang iaid ka jingtei mynta ha katei ka sor Shillong thymmai.
Ha kane ka sngi, la pyllait paidbah ia ki 84 ki bos jong ngi, kynthup 55 tylli ba pyndonkam da ka electrics, ban kamai sawdong ka sor bad khap sor Shillong ban pynsuk ia ka leit ka wan.
Kine ki bos kin iaid ha kylleng ki jaka kynthup naduh ka New Shillong, shaduh Upper Shilllong naduh ka 6:30 mynstep haduh ka 9:00 baje Mynmiet.
Ka bai shong ha kine ki bos ka long kaba tad ha kaba la buh dor 10 tyngka ha ka jingjngai kaba 3 km, nangta 20 tyngka ha ka jingjngai haduh 8km, nangta 40 tyngka ha ka jingjngai 13 km shaneng.
Ialam shong ‘bos jong ngi, u Conrad ia ki myntri, u nongialam liangpyrshah, bad ki MLA
