Shillong: U Area Commander ka seng beain Hynniewtrep National Liberation Council (HNLC) ula wan pyndem noh ha ki pulit ha ka 25 tarik mynta u bnai Rymphang 2026.
Katkum ka kyrwoh na ki pulit, u Samuel Wahlang Pahsyntiew uba kam kum u Area Commander ka HNLC ula wan pyndem ha u Superintendent of Police (SP) ka Eastern West Khasi Hills ryngkat ka jingsynran lang kiba haiing hasem jongu.
Katkum ki pulit, u Samuel Wahlang Pahsyntiew u dei na Umpohwin, Ri-Bhoi bad la kynnoh ba du donkti ban pynbthei bom IED ha Them Iewmawlong kaba ju ieng bos ha ka 3 tarik Lber, 2024 bad u pyrshang ruh ban pynrung dkhot sha ka seng ha kine ki snem ryngkat ka jingiatreilang bad ki dkhot ka seng kiba don ha Bangladesh.
Hadien ka jingwan pyndem u Area Commander, ki pulit kila ioh kem sa ar ngut ki dkhot ka HNLC na Umsning, halor ka jingsuba donkti ban khroh ïa ki samla ban rung sha ka seng HNLC bad halor ka jingsuba buh bom IED ha Umsning ha ka 12 tarik Risaw 2025.
Ka jingtohkit mynta ka la iaid ban tih bniah ia kine kiba shah kem.
Wan pyndem u Area Commander ka HNLC ha Mairang, ioh kem sa 2 ngut na Umsning
