Shillong, Rymphang 26: Ki dkhot ki nongialam jong ka Sengbah ki Nongshart Nongkhein ka Bri Hynniewtrep hapoh ka jingialam u MLA ka Mylliem Constituency u bah Ronnie V. Lyngdoh, ki la kynduh markhmat bad u Myntri Rangbah ka jylla u Conrad K. Sangma, mynta ka sngi Palei.
Kane ka jingiakynduh ka long kaba seisoh, hadien ba u myntri Rangbah u Conrad, u la kular sha kane ka kynhun ba un ai ia ka song iarap pisa kaba long 41 lak tyngka na ka Chief Minister’s Special Development Fund (CMSDF) kum shi bynta ban ioh ban tei ia ka kynroh jong ka jaka lehniam bad ka iingduwai ha Baniun.
Ia jingthoh kular ka song iarap pisa, la pdiang da u nongialam ba Rangbah jong ka Sengbah u bah Pranshon Jala ha ka jingsynran lang ki dkhot nongkitkam jong kane ka kynhun.
Haba ai jingkren kum u MLA, u bah Ronnie ula pynpaw ia ka jinsngewkmen ia u Myntri Rangbah uba la kloi ban ai ia ka jingiarap sha ki nongialam jong ka Sengbah Ki Nongshat Nongkhein, ban ker ia kane ka jaka kan pyllait na ka jingiakajia majia jaka.
Katba na ka liang u bah Devi Swer uwei na ki dkhot jong kane ka kynhun, u la ong ba kane ka dei ka sien jam ba nyngkong ba ka seng kan ioh ia kum kane ka lad jingiarap na ka liang jong ka sorkar hapoh ka jingialam u Myntri Rangbah Conrad K Sangma.
Ai u Conrad T. 41 lak na ka CMSDF ban shna kynroh ka Sengbah
