Shillong: U symbud myntri rangbah ka jylla u bah Prestone Tynsong ula ong ba ka seng Voice of the People Party (VPP) ka lah ban dawa katkum ka jingsngew jongka.
Kane ka jingjubab u symbud myntri rangbah ka long halor ka jingkylli kaei ka jubab ba ka sorkar kan ai halor ka jingdawa hiar shuki ka VPP ia u myntri rangbah u Conrad K Sangma halor ka jingjia dang shen ha Thangsko, East Jaintia Hills ha kaba 27 ngut ki briew kila iap na ka jingbthei ka krem tih dewiong beain.
U bah Prestone ula ong ba ka VPP ka lah ban dawa wat ia u ruh ka lah ban dawa hynrei kawei kaba u kwah ban ong ka long ba ka ka sorkar ka shim ia ka jingkitkhlieh kaba pura halor kane ka jingjia ban pynthikna ba ka kam beain kan sangeh mardor.
“Phi lah ban dawa wat ban hiar shuki u bah Prestone ruh, hynrei ngan ong ba ka sorkar ka shim ia ka jingkitkhlieh kaba pura halor kane ka jingjia ban pynthikna ba ka kam beian kan sangeh mardor”, u la ong bad bynrap, ‘Ka jingwad ia ki briew ioh don kiba dang shah tap, ka dang iaid’.
Ki lah ban dawa hiar shuki ia nga ruh: jubab bah Prestone ia ka VPP
