Shillong: Mynta ka sngi ka 9 tarik Risaw 2025, ha ka por mynstep, la lap ia ka met iap jong uwei u khynnah rit na kawei ka jaka kaba khot ka law rummong kaba hap ha Mawpat ha lynti sha NEIGRIHMS.
La suba jur ba u lah ban dei u khynnah uba jah na Lummarboh, Nongrah hynnin ka janmiet.
La iohi ia ka met jong une u khynnah da uwei u rangbah uba iaid lynti ha katei ka jaka.
Na ka liang ki pulit, kila wan ban shimti ia katei ka met u khynnah bad ban leh ia kaba donkam bad ban pyllong ia ka jingtohkit.
Hynnin ka janmiet, uwei u khynnah uba dei u khunswet ula jah na Nongrah hadien ba u leit ialehkai shabar ka pyllaw ïing.
Ka bor shnong ka la pyllong ia ka jingwad shnong haduh baroh shimiet hynrei khlem lap satia.
Ia une u khynnah ba tip kyrteng kum u Kyrshanbor Kharmudai, la ri da ka meiheh jongu, ka kong Sirilin.
Kane ka longkmie ka la iathuh ba une u khynnah u dei u khunswet ba 7 snem bad ka ri hi maka bad hynne ka sngi, u ialehkai bad ki para ha phyllaw kumba ju long. Hynrei ha ka kumba 4baje eiei ka la khot ban ai sha noh ia u, hynrei u khlem bad ka la mih ban leit peit, hynrei khlem lap bad ka la kyndit bad leit wad shane shatai ioh u phet ban lehkai hynrei ka khlem lap satia.
Une u khun u dei jong ka para jong ka, bad ka ri ka sumar ia u hadien ba la khlad noh ka kmie.
Hadien ba kam lap, ka la pyntip noh sha ki nongpyniaid shnong bad kumjuh sha ki pulit.
Lap ia u khynnah ba khlad n alum rumnong Mawpat, suba ba jah na Nongrah
