Shillong: Ka seng Voice of the People Party (VPP), ka lah ban bynshet noh ia ka shuki CEM ka KHADC ha u bah Winston Toni Lyngdoh, uba dei u MDC na Nongthymmai.
Ia ka rai halor kane, la shim ha ka jingialang kaba la long mynta ka janmiet ha ïing u President ka VPP u bah Ardent M Basaiawmoit ha Lad Nongkrem, ha kaba la wan iashim bynta ki MDC ka party.
U bah Toni u dei u dei u EM ha ka Executive Committee kaba ialam u CEM ba la risain bah Shemborlang Rynjah.
“Ngi la iakynduh baroh ki MDC lait noh bah Shemborlang namar um khlain ka met, ka party ka la shim ia ka rai ban jied ia u MDC ka Nongthymmai, u bah Winston Toni Lyngdoh ban shim kum u CEM ka KHADC”, la ong u President ka VPP u bah Ardent M Basaiawmoit.
Ha ka jaka u bah Toni ban long Executive Member, ka la rai ban ai ha u bah Denzil Chen uba dei u MDC ka Jaiaw-Mawprem konstitwensi.
Hynnin ka sngi, ka 24 tarik Nailur 2025, u bah Shemborlang ula risain noh na ka shuki CEM na ka daw ba um sngew khlain met bha.
Katkum ka rukom, ka Council kan hap ban khot dorbar ban pyllong iaka jingjied ia u CEM ba thymmai.
Kiew kyrdan CEM u MDC ka Nongthymmai bah Toni hadien 7 bnai, yn bujli EM u MDC ka Jaiaw-Mawprem
