Shillong: Ka bor district ka East Khasi Hills ka la shah ban iaid ki trok na surok Mawmaram-Nongthliew-Mawmih-Mawlyndep tangba ki dei ban kit ym palat ia ka 9 ton.
Ha ka hukum kaba la pynmih 3 tarik Naitung, 2025, ka Deputy Commissioner ka East Khasi Hills ka la pynbna ba la weng noh ia ka jingpynjari ia ka kyndon 163 BNS kaba la pynmih ha 21 tarik Iaiong, 2025 kaba mana ban iaid ki trok ki khia.
Ka DC ka la ong ba hadien ba la ioh ia ka jingpynthikna na ka PWD ba ka la dep ban shna ia ka jingkieng ha Umbir, la shah biang ban iaid ki trok kiba kit hapoh 9 ton tangba ki dei ban iaid na ka lynti kaba sla shna ban kiar na katei ka jingkieng ha Umbir.
Weng ka DC ia ka 163 BNS, shah ban iaid ki trok tang hapoh 9 ton na Mawmaram
