Shillong: Mynta ka sngi ka 5 tarik Jymmang, 2025, u myntri rangbah ka jylla u Conrad K Sangma ula leit jurip ia ka jingiaid ka jingtei ia ka Tura Medical College, ha Tura.
Haba kren ha jaka ba shna ia kane ka hospital pule doktor, u Conrad ula ong ba la kyrmen ba ia ka jingtei yn pyndep mynta u snem bad ka jinghikai klas kan sdang noh lasham snem.
Ka jingtei ka la iaid kumba 80 percent bad ka jingiaid ka kam ka long kaba ihun kumba la thmu. U Conrad u la ong ba ka thong ka sorkar ban sdang klas kan long lashem snem bad kane ka jingwan jurip ka long ban peit ia ka jinglong jingman.
U la ong ba ka sorkar kan iatreilang bad ka bor kompeni hynrei ia ka jinglong trai ia ka hospital kan dei ha ka sorkar bad ka kompeni kan shu pyniaid ia ka hospital. Ula kyrmen ba kane ka jaka pule doktor kan ai ka jingmyntoi ia ki samla ka jylla ynda la dep ia ka.
Ka Tura Medical College kan treikam lashem snem, ka jingtei yn pyndep mynta u snem
