Shillong: U MLA ka Nongkrem u bah Ardent M Basaiawmoit u la ong ba ka elekshon MDC 2025 ha JHADC kam long kaba khuid kumba kam ka sorkar jylla, namar ba lada ka elekshon ka iaid beit iaid ryntih ka VPP kan ym jop tang 8 ngut hynrei ka lah ban bat ia u lakam synshar ha JHADC bad u la ong ba ka elekshon kaba iaid beit iaid ryntih ka dei tang ha KHADC.
Haba iashim bynta ha ka jingiatai halor ka jingkren u Lat hapoh ka iing dorbar mynta ka sngi, u bah Ardent ula sei ia kiba bun ki polling station ha kaba ka jingioh vote jong u kyrtong ba kyrshan u rangbah shnong ka la wanrah ka jingsuba jur ia ka jingiaid beit ka elekshon MDC.
U la buh jingkylli ia u Myntri Rangbah hato u sngew tynnad ban thiah suk haba ki briew kim ioh ban jied ia ki nongmihkhmat da kaba suk kaba jai jai. U bah Ardent ula wanrah ruh ka ejahar kaba la ujor pyrshah ia ka jingshah byrngem ha ka jingthep vote MDC ha Jaintia Hills.
U la iathuh ba la dep pyntip lypa sha ka bor district ia ki jaka thep vote kiba lah ban wanrah ka jingkulmar hynrei kaba sngew lyngngoh ka long ba khlem leh eiei da ka bor ba dei peit.
Syllad u bah Ardent ba kam ka sorkar ba iaid beit ka elekshon MDC ha JHADC
