Shillong: U Speaker ka iing dorbar u Thomas A Sangma u la ong ba la kyrmen skhem ba ka dorbar kaban sa long yn shong ha ka iing thymmai ha New Shillong.
Haba kren mynta ka sngi, u Speaker ula ong ba kaba sah mynta ka dei ka jingpynbit pynbiang ia u tnum uba kham bun ka jingtrei hynrei kaba sah ka long sa ban tah plaster sha ki bynta ba shapoh.
Katkum ka jingong u Speaker, la kyrmen ba ka dorbar kaban sa long yn lah ban kynriah noh sha ka iing dorbar thymmai.
Ha kawei ka liang halor ka mukotduma kaba la ujor u bah Adelbert Nongrum, MLA ia ka rai jong u halor ka kaiphod CAG, u Speaker ula sngew ba ka rai ka High Court, Meghalaya ka long kaba dei bad kaba biang.
Sah u tnum, kyrmen ban long dorbar synrai ha iing thymmai, ong u Speaker
