SHILLONG: U myntri rangbah ka jylla u Conrad K Sangma mynta ka 12 tarik Nailur 2023, ula ong ba um pat lah ban ong ba pyrshah ne kyrshan ia ka Uniform Civil Code ne UCC namar um pat iohi ia ka jingthoh.
Ula kynthah ia kito kiba pyrshah ia ka UCC khlem pat tip ia ka dang ka duh.
Haba kylli halor kane, u la ong ba kumno yn pyrshah ia ka UCC khlem pat iohi, lashai lada ka UCC ka ong ba baroh ka ri India ka dei ban bud ia ka jait kmie kumba leh ki jaitbynriew Khasi bad Garo, hato yn pyrshah ia ka. U la ong ba ym dei ban shu kren da kaba shu mutdur khlem ka jingtip khlem ki jingshisha.
“Lada ka UCC ka ong baroh ha India, dei ban bud ia ka jingai jait sha ka kynthei, kumba leh ma ngi, hato ngin pyrshah”, la buh jingkylli u Myntri Rangbah bad, ula ong ba ym dei ban shu mutdur khlem pat iohi ia ka jingshisha ne ka draft jong ka UCC namar ba ka National Law Commission ka dang shu pan jingmut na ki paidbah.
Lada ka UCC, ka ong ba baroh ha India, dei ban ai jait sha kynthei, hato ngin pyrshah?: Conrad
