SHILLONG: U myntri ka tnad ri jingri ka jylla u bah AL Hek u la ong ba ka skhim sam sniang, sam syiar ka dang don haduh mynta ba ka sorkar ka dang pyntreikam.
Katkum ka jingong u bah Hek, ki don ki skhim ban ai ia kiba ri sniang, ia kiba ri syiar ban ai ia ki paidbah ka jylla.
‘Mynta ki don ki skhim ban ri sniang, ri syiar, ban iarap ia ki paidbah ka jylla’, la ong u bah Hek.
Shwa ka elekshon, ka sorkar MDA khamtam ka NPP ka la pynlong ia ki jingialang kiba heh kylleng ki konstitwensi ban sam sniang, sam syiar sha ki paidbah nongrep haduh ba ka la don ka jingshah kren pyrshah ha ki parti kiba don lang ha ka sorkar. Ka la don ruh ka jingkynnoh ba wat ha sor ruh kila sam skhim ri sniang, skhim nongrep.