SHILLONG: Ka Khasi Students’ Union, Mawlai Circle hadien ba ka lah ioh jingtip, ba ka jingiakynnad hapdeng ki dkhot kawei ka seng bhalang bad ki pulit hapoh ki thaiñ Khyndailad ka ba lah sakhi iaka jingpynibor jong ki Pulit.
Ha ka kyrwoh, ka KSU Mawlai ka la kynnoh ba ki pulit ki la leh palat ha kaba ki la thombor khlem kheiñ snep shuh iaki kynthei briew kiba die dukan hapoh ka jaka pynieng kali jong ka MUDA ha pyrshah ka SBI ophis hajan Khyndailad.
Kane ka jingthombor ki pulit da kaba kawang ia u Bom pynsat khmat hapoh ka dukan die sha wat hapdeng ba kitei ki longkmie ki la khang khyrdep ia ka dukan jong ki. Kane ka jingleh jong u wei u pulit phong jaiñ iong kaba lah iohi bad ba la saphriang lyngba ki kor ring dur (Video), ka dei ka jingthmu ban pynpynsaw ia kitei ki 2 ngut ki kynthei briew ki ba dei napoh ka shnong Mawlai Mawtawar, Umjalimut bad ka dei ka jingleh kput bad ka jingthmu wat ban shim iaka jingim ka jong kitei ki kynthei briew ki bym don bynta eiei haka jingkulmar kaba mih ha ki thaiñ Khyndailad mynne ka sngi.
Ka Seng ka pynrem jur ia kane ka jingthombor ki pulit ki bym shym lah don ka mynsiem jingisynei shuh wat iaki kynthei briew bad ka Seng ruh ka dawa ba ki bor bahalor ki dei ban pynshitom mardor iaki pulit ki ba donkti hakatei ka jingthombor.
Shuh shuh ka seng ka i kyndit ia ka jingleh khlaiñ bor ki pulit ia la ki doh ki snam hapoh sor Shillong hynrei katba ki pynrit bad pyndem tdong pat ha ki thaiñ khappud. Kane ka long ka kyrwoh na u bah Biangbor Paliar, President, KSU Mawlai Circle.
Pynrem ka KSU Mawlai Circle iaka jing kawang bom ki pulit hapoh dukan sha
