SHILLONG: Hadien ka jin ioh jingujor na ki paidbah kiba ju shim ia ki ram na ki bank bapher bapher kiba don hapoh ka jylla kum ki kam shna ïing bad kiwei ram, na ka liang u CEM ka KHADC u la khot ia ka jingialang ryngkat bad ki bank ban iakren halor kane ka jingeh jong ki paidbah.
Ha kaba iadei bad kane, na ka liang u CEM u la pyni sha ki da ki kot ki sla jong ka district council katkum ka aiñ ba la mynjur da u Lat ka jylla kaba la tip ka Khasi Hills Autonomous District Regulation and Administration Land Act 2021 ba lyngba katei ka aiñ, ki bank ki dei ban ithuh ia ki briew kiba shim ia ki loan kiba pyndonkam da ka aiñ jong ka KHADC.
Shuh shuh u la ong ba katkum katei ka ain ha ka clause ba 10 ka district council ka don ka bor ban ai ia ki syrnod sha ki kino kino kiba donkam ban aplai ia ki ram na ki bank, bad u la ong ruh ba ym don shuh kano kano ka bor ba ki bank kin kyntait ia ki briew ban aplai ram lyngba kitei ki aiñ.
Ki Bank kim lah ban kyntait ia ki kot ki sla ba ai ka KHADC
