SHILLONG: U myntri ka sorkar pdeng ba peit ia ka tnad Ports, Shipping & Waterways bad Ayush, u Sarbananda Sonowal u la ong ba ka dei ka sngi ba khraw ban ialum lang ban kynmaw bad leh burom ia u riew khraw u Tirot Sing Syiem.
U Sonowal u la iadon bynta ha ka jingpynkup burom ia ki samla pule ba la ai kyrteng ha u Syiem Tirot Sing ba la pynlong ka Akhil Bharatiya Vidyarthi Parishad (ABVP),
Meghalaya ha kane ka 1 tarik Nailur 2023 ha Shillong.
Haba kren ha kane ka jingialang u Sonowal uba dei na Assam, u la ong ba ki jinglenlade bad aiti u Tirot Sing ka dei ban rung ha ka mynsiem jong kane ka pateng ban tei ia ka ri ban pynurlong ia ki thong jong u ban long ka ri kaba khlain bad kaba roi bas an.
Haba pyrto ia u Myntri rangbahduh ka ri u Narendra Modi, u Sonowal u la ong ba ka india kan long ka ri kaba lai ha ka jingkhraw bad ka jingkhlain bor ha ka khaïi pateng ha u 2030 bad ki kmie ki kpa, ki samla pule ki dei u rishot bah na bynta ka ri.
Ha kane ka sngi pynkup burom la don lang u myntri sorkar jylla u bah Alexander Laloo Hek, u Dr. Kestonbel Manik Syiemlieh, Syiem Khynnah ka Hima Nongkhlow bad kiwei.
Ka dei ka jingkyrkhu ban ialum kynmaw ia u riew khraw u Tirot Sing: Sonowal
