SHILLONG: U President ka All India Trinamool Congress (AITC) ha Meghalaya, u Bah Charles Pyngrope u la ong ba ka party kan pynïakhun kyrtong na baroh 2 tylli ki parliamentary constituency ha ka election sha Lok Sabha ka ban sa long ha u snem ban wan.
Haba kren sha ki lad pathai khubor hynne ka sngi Balang, u nongialam ka TMC u la pynpaw ba kum u President u kwah ba u MLA barim ka Umroi, u Bah George B Lyngdoh un dei u kyrtong jong ka party na Shillong seat, hynrei u la ong pat ba ia ka rai ba khatduh yn sa shim da ki nongialam ba hakhmat ka party na Kolkata.
Ha kaba iadei bad u lane ka kyrtong na Tura seat, u Bah Charles u la ong ba ia kane ka kam la ieh ha ka jingstad jong u nongialam ka Parliamentary Party, u Dr Mukul Sangma ban jied ia u kyrtong ban phah pat ia ka kyrteng sha ka party.
Kwah u bah Charles ban iakhun MP u Bah George na Shillong
