SHILLONG: U Chief Executive Member ka Khasi Hills Autonomous District Council, u bah Pyniaid Sing Syiem mynta ka 29 tarik Nailar 2023, u la bthah ia ka tnad Enforcement ka Council ban kyndang naphang ia ki u ñiuh moh ne khar Muslim kiba la kynrei bha ha Iewduh bad die jingdie pathar ha madan ha lynti kiba la suba jur ba kim don ki kot ki sla kiba biang.
Haba kren hadien ba la pynlong ia ka jingjurip iaka Iewduh naduh Khliehiew haduh Motphran, u bah Pyniaid ula ong ba la bthah ban kyndang mar mar ia ki bar jylla ba shong dukan pathar ha surok ha lynti bad lada don ki Khasi kiba iada, kiba wan kam trai, ki dei ban leit sha ophis ka KHADC ym ban kam ha surok.
U CEM u la ong ba ka jingwan jurip jong u ia ka Iewduh, ka long ban peit ia ka jinglong jingman ha kaba iadei bad ka jingshngain bad kawei pat ban wanrah ia ka jingkhuid jingsuba ha kaneka Iew kaba dei kum ka pliang ja jong ki Khasi.
Ha kajuh ka por, ka seng Hynñiewtrep National Youth Front kaba la don ryngkat ha ka jingjurip ka KHADC ïa ka Iewduh kala ai khublei ïa ka EC jong ka KHADC kaba la ialam da u Bah Pyniaid sigh syeim CEM kaba la shimkhie ban pynlong ka jingjurip ïa ka Iewduh kaba la long mynta ka 29 tarik Nailar.
Haha kren sha ki lad pathai khubor u Bah Bless Dkhar President ka HNYF East Khasi Hills ula ong kaba kongsan ba u CEM uleh haba ïa dei ban ka jingkynra Trading License ïa ki bar jylla kiba die madan ha shilyntei jong ka Iewduh kaba hap ha ka jingkhmih jong ka KHADC ha kaba u CEM ula hukum ïa ki pulit ban phah khang mardor ïa ka kamai jong ki bar jylla ki bym shem don kot don sla.
Phah kyndang u CEM ia ki ñiuh moh ba kynrei ha iewduh, Iewmawlong ban die jingdie pathar khlem license
