Shillong: U Myntri Rangbah ka Jylla u Conrad Kongal Sangma u la ong ba Sorkar ka dang bishar bniah ia ka jingdawa jong ki dkhot ka seng Hynniewtrep National Liberayion Council (HNLC) ban map noh ia ki mukotduma pyrshah ia ki dkhot ka seng.
Haba kren hynne ka sngi bad ki lad pathai khubor, u la ong ba kane ka kam ka don bynta lang bad ka Sorkar pdeng bad yn hap ban iakren ia kane ka kam ryngkat bad ka Ministry of Home Affairs ka Sorkar India.
U la ong ba ka jingiakren bad ka seng HNLC ka long da ka jingmut jingpyrkhat kaba kylluid ban wad ia ki lad ki lynti ban poi sha ka thong ban iasuk, bad baroh ki don ia kajuh ka thong ban pynbeit noh hapoh ka jingiakren katkum ka riti synshar bad katkum ki kyndon.
U Conrad u la ong ba na ka liang ka Sorkar Jylla ka thrang ban iaid shakhmat beit bad ka jingiakren iasuk bad kan shim lut ia ki sienjam ban pynlong kaba seisoh, bad lada don kano kano ka jingpynsngew ruh kan pyrshang beit ban pynbeit ryngkat bad ka Sorkar India.
Ka Sorkar Jylla kan shim lut ïa ki sienjam ba ka jingïakren ïasuk bad ka HNLC kan long kaba seisoh: CM
