SHILLONG: Ka Dr M Ampareen Lyngdoh kaba dei ka Myntri hapoh ka Sorkar ka la ong ba kano kano ka mat ne ka phang ka don la kijong ki jingioh bad ki jingduh jingmyntoi, bad bynrap ba kano kano ka Sorkar kan nym leh ia kaei kaei kaba ki paidbah ki pyrshah. Kane ka jingkren jong ka Dr Amapareen ka long halor ka jingpyrshah jong kiba bun ia ka jingthmu ban wanrah ia ka lynti rel hapoh Khasi bad Jaintia Hills.
Ka la ong ba kino kino kiba pyrshah ia ka jingwan ka lynti rel ki la deo ban leit sha Mendipathar ban tip la ka jingdon ka ka lynti rel ka wanrah jingma ne em na ki briew kiba na shabar bad kadon ne em ka jingshah khñiot jong ki trai shnong, bad ong shuh shuh ba katkum ka jingtip ka jong, ki paidbah ha katei ka thain ki la kham suk ha kaba pynpoi bad shalan ia ki mar ki mata ha ka dor kaba duna.
Wad jingtip ruh na Mendipathar haduh katno ka ktah ka lynti rel: Ampareen
