SHILLONG 10, Naitung: Ka Deputy Commissioner ka East Khasi Hills ka Kong Rosette M Krurbah ka la pynjari da ka kyndon 144CrPC ban mana ban plie ia ki dukan palat ia ka 10 baje mynmiet. Ha ka jingpynbna kaba la pynmih mynta ka 10 tarik Naitung 2023, ka DC ka la mana ruh ban tem jingrwai hapoh kali, ban iadih, ban leh ia ki kam bym iahap hapoh kali palat ia ka 10 baje mynmiet bad kiba leh pyrshah yn trei beit da ka ain katkum ka kyndon 188 CrPC.
Kane ka hukum kan treikam naduh ka 12 tarik Naitung 2023 haduh ban pynbna da kumwei pat.
Lah ban kdew ba dang shen, ka la mih ka jingjia ha Laitumkhrah ha kaba ka la don ka jinghuri huri haduh ba ki kali pulit kila shah thang ha Police Station Laitumkhrah. San ngut ki briew kila shah kem halor kane ka jingjia.
Pyrkhing ka DC ban plie dukan palat 10 baje mynmiet ha nongbah Shillong
