Shillong: Ka la mih ka jingïapyni nia bad kdew kti hapdeng ki longkmie ka Joint Action Committee (JAC) kiba pyrshah ïa ka Project Ropeway Lum Shyllong bad ki Rangbah Shnong jong ka Riat Laban Dorbar Pyllun mynta ka janmiet ha phyllaw ka dorbar hall ha madan Laban.
Hadien ba la wai ka Dorbar Pyllun kaba la khot kyrpang mynta ka janmiet ha ka ophis ha Madan Laban, u Bah Iostar Sun uba dei u President jong ka Riat Laban Dorbar Pyllun u la pyntip ba ka Dorbar ka la rai ba ki 7 tylli ki Dorbar Shnong kin lum ïa ka dorbar paidbah ha ka 14 tarik Naiwieng 2026, ban pan jingmut na ki paidbah ki pdiang ne kyntait ïa kane ka project.
Hynrei ki nongialm ka JAC kim shym la pdiang bad dawa ban pyndam ïa kane ka project bad kane ka la mih ka jingiania tain mar kylliang hapdeng jongki.
Ki Pulit ruh kila wan poi sha katei ka jaka, khang ban pahara ioh mih pynban kano kano ka huri hura.