Shillong: Mynta ka sngi, u Myntri Rangbah u Conrad K Sangma ula leit aiti ia ka cheques kaba T. 20 hajar haduh dukan syndon ba shong hi ki nongdie madan ha Polo.
Ia kane ka skhim la ai ia ki nongdie madan na ka CM Urban livelihood Grant ia ki nongdie madan, kiba la ithuh ka sorkar.
Kane ka sienjam ka long ban kyntiew ia ka ioh ka kot ki nongdie madan, bad kaba shi bynta na ka sienjam ka sorkar ban buh ia ki nongdie madan ha ki jaka ba la shna ka sorkar, ym ban shong ha ki surok, ha ki lynti kaban wanrah jingeh ia ki nongiaid nongieng.
Lah ban kdew ba kiba bun ki nongdie madan kiba ithuh ka sorkar, na thain Jail Road, Polo la pynkynriah ha jaka kaba la shna ka sorkar ha Polo hajan Mandir, ban lait na kano kano ka jingphriang pathar ha madan madiah ha ki lynti ki syngkieng.
Ha dukan syndon, sam cheques u Conrad mar T. 20 hajar ia ki nongdie madan ha Polo
