Shillong: Ka jingialang ka cabinet mynta ka sngi, ka la rai ban pynkhreh ia ka thup kyrteng ki nongthep ne ka electoral roll kaba kyrpang na ka bynta ka Garo Hills Autonomous District Council.
Haba pyntip halor kane, u myntri rangbah ka jylla u Conrad Sangma ula ong ba ka sorkar ka la rai ban pynkhreh ia ka electoral roll kaba kyrpang na ka bynta ki nongthep vote sha ka GHADC.
U la ong ba ha kane ka electoral roll, tang ki Schedule Tribe ka Meghalaya kiban iashim bynta ha ka elekshon sha ka GHADC.
“Kane ka dei ka jingpynkylla ka GHADC ia ka Rules 128 bad 129 ha ka dorbar kaba la long dang shen”, la ong u myntri rangbah ka jylla.
Ula ong ba kane ka dei ka sienjam kumba ka sorkar ruh ka la dep ban ai ka jingkular ia ki paidbah na ka bynta ban pynneh ia ka jinglong kyrpang ka jaitbynriew riewlum ka Meghalaya.
Tang ki ST Meghalaya kin thep vote ha GHADC, rai ka sorkar
