Shillong: Ki nongniah kali tourist na Meghalaya ka All Khasi Meghalaya Tourist Taxi Association (AKMTTA) ka la byrthen ba ynda la kut ka 10 tarik Nailur ban wan, lada ki jingdawa kim urlong, ka jingiai shah ka la lut bad kin sa shim da kiwei ki sienjam.
U President ka seng u bah Ricaldus Dohling ula ong ba ka sorkar jylla ka la pan por hashwa ka 10 tarik Nailur ban wan, ban iathir lang bad ki bor sorkar ka Assam, Meghalaya nalor ki seng kali kamai na baroh ar tylli ki jylla.
Ka All Khasi Meghalaya Tourist Taxi Association (AKMTTA) ka la dawa na ka sorkar ba ki kali tourist na Assam ki dei ban pynhap nongleit nongwan ha Jorabad bad nangte ki dei ban shim pat da ka kali tourist na Meghalaya bad kumjuh ka Meghalaya ruh kan buh briew ha katei ka jaka, bad kin sa shong pat da ka kali Assam.
U la ong ba lada ka sorkar kam pynurlong ia kane ka mat, ki driver tourist ka Meghalaya kin ym ailad shuh hynrei kin shim da kiwei ki sienjam pat.